دلوقتي هنتكلم علي حاجه مهمه " ليـه أقتصاد !! وايه اهميته في حياتنا وليه علم الأقتصاد ده اصلا موجود ؟ وهو ليه كل النظريات معقده وفيها رسوم بيانيه ومنحنيات طالعة ومنحينات نازله وفيه سين وفيه صاد وكلام معهقد مش فاهمين منه حاجه

"
هي الطريقة اللي بنقيس بيها غنى او فقر اي دولة سواء بتنتج أو بتستهلك علي سبيل المثال "المانيا اكتر بلد بتعمل ماكينات كويسة وعارفين ان مصر بتستهلك قمح كتير" في نفس الوقت بنلاقي ان الأقتصاد بيجاوب علي اسئلة كتير حوالينا "اهم سؤال من الأسئلة دي" هي ازاي ؟؟ ازاي نخلي اقتصاد مصر أحسن ؟؟ وممكن السؤال ده ينطبق علي اقتصاد اي دول

جوا الأقتصاد نفسه هنلاقي في فرعين رئيسين :

الفرع الأول اسمه الأقتصاد الكلي ،

والفرع التاني اسمه الأقتصاد الجزئي

لما نيجي نبص علي الأقتصاد الكلي ومفهومه هنلاقي انه مهتم برؤية عامه عن الاقتصاد وبيقارن دول ببعض زي مثلا روسيا مع الصين ، هل مثلا روسيا فيها اسعار مرتفعه ولا الصين فيها بطالة ؟

الجزئي بيبص علي تفاصيل التفاصيل الموجوده جوا كل بلد، يعني مثلا بيقارن قطاعات ببعض مثلا قطاع صناعة السيارات مع صناعة صناعه المنسوجات وكمان بيبصوا لكل قطاع الشركات اللي جواها عاملة ازاي هل شركات كبيره صغيره وهو ده الأقتصاد الجزئي

وده الفرق بين الأقتصاد الكلي والجزئي

والأقتصاد عامه سواء كان كلي او جزئي بيحاول يجاوب علي 3 اسئله مهمه

1- احنا هننتج "ايه" ؟ هل مثلا هننتج الومونيوم في نجع حمادي ولا هنصنع حاجه تانية

2-بيجاوب علي اننا هنصنع الكلام ده "ازاي" هل احنا محتاجين ايدي عامله ومصانع ولا حفار عشان نطلع بترول من البحر

3- هنصنع الكلام ده لمين "هل لناس في مصر يستهلكوا ولا هنصدروا .

دول 60 فيديو من أكاديمية التحرير  بطريقة مختلفة هيفيدوك جدا