المشاكل اللى الناس بتقابلها لما بتدور على حاجة على النت

المشاكل اللى الناس بتقابلها لما بتدور على حاجة على النت
هي إنها مش بتوصل للنتائج المطلوبة وبيطلع نتايج كتير جدااااا

المشكلة مش فى Google
المشكلة إنك بتديله أمر مش واضح وهو بيتصرف على أساسه وبيجبلك النتيجة
طبقاً للكلمات الدلالية اللى إنت كتبتها وبيدور فى ال index

طب نشوف مثال وندور على أى حاجة ولتكن عملية ال Download

زى ما موضح فى الصورة دى كدا هتلاقى
1- الصورة الأولى عدد نتائج البحث كتيرة جدا وصلت ل 85 مليون نتيجة بحث
هتلاقيها مكتوبة فى المربع الأسود

2- الصورة الثانية عدد نتائج البحث 9 نتائج بحث بس
هتلاقيها مكتوبة فى المربع الأسود برضه

طب مع إن أنا ببحث عن نفس الحاجة
إيه الإختلاف دا جيه منين ؟

كل الفكرة إنى إستخدمت واحد من ال Google Operators
و اللى سهلت عليا جدا و جابتلى نتيجة البحث اللى أنا عايزها بالظبط

طب نبسط الخطوات بتاعتها علشان نبقى عارفينها :
--------------------------------------------
أول حاجة:
البرنامج اللى أنا عايز أعمله Download
هتلاقينى حطيته بين علامات التنصيص اللى هما دول
"xxxxxxxxx”
ليه طيب ؟
علشان جوجل يتعامل معاها كوحدة واحدة ميكونش فى الفرصة إنه يتعامل معاها كأكتر من وحدة

ثانى حاجة :
إستخدمت ال Operator
اللى إسمه Site
ودا وظيفته إنه يجيبلك البرنامج اللى إنت طلبته من داخل المواقع
فعلى سبيل المثال أنا إخترت إنى أعمل Download
من على موقع إسمه Download.com

دا موقع متخصص فى إنه يجيبلك أى software

فكل اللى عملته إنى كتبت

Download “powerpoint2013” site:download.com
بس دا كل الموضوع :D

كتبه : عماد أحمد