ان كنت حتدخل مقابلة لمنحة او شغل لازم تقرأ النصائح دي
من فينا مبيدخلش انترفيوهات علشان يشتغل او ياخد منح او علشان اي سبب كان !
موقع mobilelikez نزل حبة نصايح للناس اللي هتدخل انترفيو زي :
1- دور عن تاريخ الشركة اللي انت ريحها وجمع عنها معلومات.
2- متحضرش بدري ولا متأخر عن ميعاد الانترفيو خليك موجود قبل الانترفيو بنص ساعة مثلا.
3- لو مش حاسس انك هتتقبل وانت جوا الانترفيو، خبي مشاعرك محدش عارف نتيجة الانترفيو ايه !
4- متقعدش تبين سلبيات الشركات او الاماكن اللي انت كنت شغال فيها علشان بيدي انطباع وحش عنك...
5- ظبط السيرة الذاتية بتاعتك وحدثها بإستمرار.
6- بعد ماجمعت المعلومات عن الشركة ابدا بتجهيز الأسئلة اللي هتسالها للشركة.
7- اتمرن علي الانترفيو وحاول تتخيل لة سيناريو.
8- خليك مبتسم بس مش عبيط
9- اتوقع ديماً انك هتتنفخ في الانترفيو.
10- اتكلم عن انجازاتك و ايه الفرق اللي عملتة في شركتك او في الاماكن اللي انت كنت موجود فيها.
11- خليك صبور و انت بتتسأل مهما كانت الأسئلة سخيفة.
12- بين انك مهتم ومتحمس بوظيفتك وبالشركة.
13- حاول تعرف مين اللي بيعملك انترفيو وابعتلة رسالة شكر بعد الانترفيو علي الميل او علي لينكيدان او باي طريقة.
14- خليك ايجابي وتوقع الخير.
15- استفهم عن اي نقطة انت مش فهمها في الانترفيو.
16- خليك واضح وصريح ومتكدبش علي اللي بيعملك انترفيو.
17- خليك ودود في الانترفيو وهادي.
18- البس لبس يليق بالنترفيو وخلي شكلك كويس.
19- حاول تركز في لغة الجسد بتاعتك باستمرار في الانترفيو علشان دي نقطة مهمة جدا...
20- متقعدش ترغي كتير عنك خليك متزن في كلامك...
كتابة : أحمد بسيوني
